بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ ابدلواھد ء سوالی ءِ درکانودی کوش گوں ترندیں دانکاں ایر جتگ ءُ اے ناشرکاری ءِ زمہ وار پاکستانی پوج ءُ ریاست لیک اِتگ۔
آئی ءَ گوشتگ کہ ابدلواھد ء سوالی انوں چہ دبئی ءَ واتر اتکگ، ریاست پاکستان ءِ جوڑ کرتگیں کشندہ ٹولی ءُ چیریں ادارہ ( ایم آئی ) ءِ کارمندان دو جون ءَ چہ تربت نادْراھجاہ ءَ آوار جتگ۔
آئی ءَ گوشتگ کہ گل ءِ رد ءَ ابدلواھد بندیگجاہ ءَ سکا آزار دیگ بیتگ۔ بندیگجاہ ءَ دست ءُ پادانی پروشگ ءَ پد کشگ ءُ کیچ ءِ ھند بانک کنڈگ ءِ نزیک ءَ چگل دیگ بیتگ۔
پانک ءَ اے ناشریں ویل رستری لیک اِتگ ءُ گوشتگ کہ اے اوپار کنگ نہ بیت میان استمانی انسانی ھکانی گل زوت دلگوش بہ کن اَنت ءُ پاکستان ءِ بگیری ءَ گامگیج بزور اَنت۔
پانک ءَ گوشتگ کہ بلوچ ورنایانی یک یک ءَ نشانگ کنگ ریاست ءِ نیمگ ءَ چکچینی ءِ درچ اِنت۔
