تربت: چہ بگ ءَ پاکستانی پوج ءِ دست ءَ بیگواہ کنگ بیتگیں جیھند بلوچ ءِ گھار سمرین بلوچ ءَ وتی تامربندے شنگ کرتگءُ پہ وتی برات جیھند بلوچ ءِ آجوئی ءَ توار چست کنگ ءِ لوٹ کرتگ۔
آئی ءَ گوشتگ کہ منی برات 25 مئی ءِ شپ ءَ چہ گس ءَ آوار جنگ بیتگ، منی برات بے میار اِنت ءُ لا کالج ءِ نودربر اِنت۔
سمرین بلوچ ءَ گوشتگ کہ اے آس مئے گس ءَ روک اِنت کل بلوچ راج ءِ گس ءَ روک بیت، من گوں شما دزبندی کن آں کہ مئے ھمراھداری ءَ بی کن اِت ءُ پہ منی برات ءِ زوریں بیگواھی ءِ بگیری ءَ توار چست بہ کن اِت۔
