بلوچ آجوئی لوٹوکیں سروک رھیم بلوچ ایڈوکیٹ ءَ ماں رسانکدر ءَ وتی شنگ کرتگیں درشانے ءَ گوشتگ که ملک ھان مھمد مری ءِ بیرانی ءَ گوں آئی ءِ کھول ءُ سنگتاں اے درد ءَ شریدار آں، مرچی که بلوچ ءِ راجی آجوئی زرمبشت اِے جاه ءَ سر بیتگ اِے ملک ھان مھمد مری ءِ پیمیں نام ءُ کرد، نپ ءُ تاوان نہ چاروکیں مزنیں سپاھی ءُ جھدکارانی مھکمی ءُ دیمونیانی یک مزنیں کردے۔
آئی ءَ گوشتگ که ھدامرزی چه ورناهی ءِ زمانگ ءَ آجوئی زرمبشت ءِ سلاه بندیں سنگراں سرمچارانی کاروان ءَ هوار بیتگ، چه ایشی ءَ پد آئی ءَ پشت ءَ نہ چارتگ ءُ نہ کدی دژمن ءِ دیم ءَ سر جھل کرتگ۔ چہ آ زاتی ءُ کھولی سیت ءُ تاواناں ابید داں گڈی وھد ءَ گوں سرمچارانی کاروان ءَ ھوار بیتگ، آئی ءِ اے مھکمی ءُ بے مٹیں جھد ، پہ بلوچ سرمچارءُ جھدکاراں ھاس پہ ورنایاں یک بے دروریں میراسے۔
رھیم بلوچ ءَ وتی درشان ءِ گڈی ءَ گوشتگ که منی گوں پاکیں ھاوند ءَ دوا اِنت که ھدامرزی ءَ گلباگ ءَ جاگه به دنت ءُ آئی ءِ کھول ءُ سنگتاں اے گم ءِ اوپار کنگ ءِ ھاٹیگ ءَ بہ دنت۔
