بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند گلی بلیدہ ءَ پاکستانی لشکر ءِ دو گاڑی ءُ شش پرپٹانی ھواریں کارواں گوں چیر کُرتگیں شورھاں نشانگ کُرتگ، کاروان ءَ ھواریں یک گاڑی یے زد ءَ اتکگ ءُ سرجم ءَ تباہ بیتگ۔ چہ ایشی ءَ گاڑی ءَ سواریں پنچ کارمند جاھی مُرتگ ءُ میجرے ءَ ھوار دو کارمند ٹپی بیتگ۔ سرمچاراں کاروان ءِ آدگہ گاڑی ءُ پرپٹ گوں وتکار ءُ نوکیں سلاھاں نشانگ کُرتگ اَنت۔
آئی ءَ گوشتگ کہ دینگ ءُ شمبے ءِ میانی شپ ءِ سَے ءَ سرمچاراں یک کارشونی ءُ گل ءِ اھوتی ھالے ءِ بنیاد ءَ دژمن ءِ کارمند باز تاوان بار کُرتگ اَنت۔
جارکش ءَ گوشتگ کہ جنگی ءُ سَسّائی کارشونیاں سلاہ بندیں سرمچارانی اُرشاں دُژمن بِھ منتگ، لاچار ءُ بے وس اِنت کہ ارباں مشین ءُ ٹیکنالوجی ءِ کارمرد کنگ ءَ ابید وت ءَ چہ اُرشانی رکینگ ءَ بے سوب اِنت ءُ اے ھمے گپ ءِ منّانک اِنت کہ دژمن ءَ ھمک پِڑ ءَ سَسّائی پروش وارتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ ھمے کول کن ایں داں بلوچستان ءِ آجوئی ءَ دژمن ءَ ھر پِڑ ءَ پروش دئیں۔
