بلوچ نیشنل موومنٹ ( بی این ایم ) ءِ سرکماش ڈاکٹر نسیم بلوچ ءَ ماں چاگردی رسانکدر ایکس ءَ نبشتگ کہ ماما کدیر بلوچ یک بامردے۔ بے دروریں توکل ءُ نہ اوشتوکیں گھگیری ءِ چیدگ اِنت۔، آ چہ جھان ءِ درساں مستریں شدکشیں زھرشانی ءِ سروکانی ءَ کنگ ءَ اِنت ءُ ھزارانی کچ ءَ بیگواھیں بلوچانی بار ئے وتی کوپگاں زرتگ۔
آئی ءَ گوشتگ کہ رنج ءُ بے تواریں سالانی تہ ءَ ماماکدیر بے تواریں مردمانی توار جوڑ بیتگ۔ زوراکی ءِ بگیری ءَ مردمگری ءِ یک رژنے زانگ بیت۔ آئی جھد نہ تیوک ءَ پہ بلوچستان ءَ اِنت بلکیں ھمک جاہ ءَ پہ انساپ ءُ انسانی شرپ ءَ اِنت۔
ڈاکٹر نسیم بلوچ ءَ گوشتگ کہ آ انوں نادراہ اِنت ءُ نادراھجاہ ءَ الاج بوگ ءَ اِنت۔ مئے دواہ ءُ نیکیں واھشت گوں آئی ءَ گون اَنت۔ ھدا آئی ءَ زوت دراہ بہ کنت ءُ گوں وتی گس ءُ جھد ءَ دلگوش بہ بیت۔
آئی ءَ گوشتگ کہ ماما کدیر تیوک ءَ یک مردمے نہ اِنت بلکیں یک زرمبشتے اِنت۔
