پنجگور: گچک ءَ ماسٹر نہ بوگ ءِ سوب ءَ نودربراں زھرشانی کرتگ۔ زھرشانی کنوکیں نودربراں پلے کارڈ دستاں بیتگ اَنت کہ آیانی سر ءَ جتائیں اوگام نبشتہ بیتگ۔
نودربرانی گوشگ اِنت کہ مئے وانگجاہ ءَ نیشنل پارٹی ءِ چئیرمین الی جان ءُ میر مولا بکش بند کرتگ ءُ ماسٹراں گوشتگ اِش کہ وانگجاہ ءَ میا اِت۔
آیانی گوشگ اِنت کہ مئے وانگجاہ ءِ ماسٹر زوت دیم بہ بنت اے وڑ ءَ وانگجاہ ءِ بند بوگ ءِ سوب ءَ زھگانی وھد زوال بوگ ءَ اِنت۔
چوش کہ اے وانگجاہ گچک کرک ءِ ڈل ءَ اِنت دہ روچ بیت کہ ماسٹر چہ وانگجاہ ءَ گلینگ بیتگ اَنت، نودربراں دو روچ پیش زھرشانی کرتگ۔
