بلوچ نیشنل موومنٹ ( بی این ایم ) ءِ سرکماش ڈاکٹر نسیم بلوچ ءَ ماں چاگردی رسانکدر ایکس ءَ بی وائی سی ءِ باسک بیبو بلوچ ءِ آوارجنی ءِ بابت ءَ نبشتگ کہ بیبو بلوچ پیسر ءَ وتگڑیں 3 ایم پی او ءِ پارست ءَ زنداناں بندیگ بیتگ کہ آ نوں آوار جنگ بیتگ، اے یک شرم ءُ میارباریں ھیلھے۔
آئی ءَ گوشتگ کہ ریاستی زندان ءَ بندیگیں مردمانی زوربیگواہ کنگ ءَ پاکستان ءَ میان استمان ءِ بے تواری سرجم ءَ کمک کنگ ءَ اِنت۔ بیبو بلوچ ءِ آوارجنی جتائیں ویلے نہ اِنت بلکیں پہ بلوچانی توار ءِ دارگ ءَ ھمک بلوچ ءِ ترس آماچ کنگ ءِ مھکمیں شوربندی ءِ بھر اِنت۔
ڈاکٹر نسیم بلوچ ءَ گوشتگ کہ میان استمانی تک بلوچستان ءَ ریاستی ناشرکاری ءِ اے تچکیں گامگیج ءِ بگیری ءَ توار چست بہ کن اَنت۔
