شال: بلوچ یکجھتی کمیٹی ءِ سروک ڈاکٹر ماہ رنگ بلوچ ءُ بیبو بلوچ ءِ نزربندی 3 ایم پی او ءِ رد ءَ دگہ سی روچ گیش کنگ۔
گوستگیں ھپتگءَ بلوچستان ءِ مزن آمیدگس ءَ ڈاکٹر ماہ رنگ بلوچ ءِکیس ءِ گوش دارگ ءِ میان ءَ مانزمانی رد کرتگ ءُ پہ گیشیں کاروائی ءَ بلوچستان ءِ تھی کارانی کارگشاد ءَ دیم داتگ۔
گوستگیں ھپتگءَ چہ آمیدگس ءِکاروائی ءَ پد مرچی چہ ایدیشنل چیپ تھی کارانی کارگشاد ءِ نیمگ ءَ شنگ بیتگیں نوٹیپیکشن ءِ رد ءَ دوئیں سروکانی نزربندی ءِ وھد ءِ آسر بوگ ءَ پد ، پد ءَ سی روچ گیش کنگ بیتگ۔
آیانی وکیل امران بلوچ ءِ رد ءَ ڈاکٹر ماہ رنگ بلوچ ءُ بیبو بلوچ پیسر ءَ ھم داں یک ماھے ءَ بندیگ بیتگ اَنت ءُ نوں سرکار ءِ نیمگ ءَ شنگ بیتگیں پرمان ءِ رد ءَ نزربندی ءِ وھد گیش کنگ بیتگ۔
چوش کہ بی وائی سی ءِ سروک ڈاکٹر ماہ رنگ بلوچ ءُ بیبو بلوچ 22 مارچ 2025 ءَ چہ شال ءَ زھرشانی ءِ سر ءَ دزگیر کنگ بیتگ اَنت۔
