مستونگ: بلوچ یکجھتی کمیٹی ءِ بنجاھی سروک ڈاکٹر سبیہ بلوچ ءَ آدینگ ءِ روچ ءَ لکپاس ءَ بلوچستان نیشنل پارٹی ءِ نیمگ ءَ برجاھیں زھرشانی نندانک ءَ تران کرتگ ءُ گوشتگ کہ وھدے ما بلوچستان ءِ نام ءَ گریں گڑا مئے چمانی دیم ءَ یک رژنے گندگ بیت ءُ مئے دل وش بیت اے ھما مھر اِنت کہ مارا یکجاہ بوگ ءِ سکین ءَ دنت۔
آئی ءَ گوشتگ کہ اےزندگی ءَ ما مرچی گوازینگ ءَ ایں اے زندگی یے نہ اِنت چی ءَ کہ ما ھمک چاراہ ءَ دارگ ءُ جست گرگ بہ ایں کہ کج ءَ روگ ءَ اِت۔ تئی پجار چے اِنت؟ کج ءَنشتگ ئے۔ مارا ھمک روچ لاش دزکپگ ءَ اِنت، ما ھمک روچ پہ وتی زور بیگواھیں مردمانی درگیجگ ءَ تچگ ءَ ایں۔
ڈاکٹر ماہ رنگ ءَ گوشتگ کہ ما پہ ھمے اوست ءَ پاد اتکگیں کہ وتی راج ءَ پاد بہ کن ایں ءُ دژمن ءَ تچگ ءِ موہ ءَ ھم مہ دے ایں۔
آئی ءَ گوشتگ کہ مئے سر ءَ پرز اِنت کہ ما وتی زھگ ءُ مردماں باسما بہ کن ایں آ پہ وتی ڈگار ءُ راج ءَ پاد بیا اَنت۔ مرچی بلوچ ءِ جنین زانشت ءِ بنیاد ءَ اے جھد ءِ بھر بیتگ اَنت ءُ آ ھمے سرپد اَنت کہ اے جنگ پما کیت ءُ سر بیت ءُ پد ءَ جنگ چوش نہ زانت کہ اے مردے یا جنینے۔
