شال: چہ جتائیں جاھاں زورگریں پاکستانی لشکر ءَ چار مردم آوار جتگ۔
بنشون ءِ رد ءَ دوشی پاکستانی لشکر ءَ سیٹلائٹ ٹاؤن ءَ بیڑ برتگ ءُ ڈاکٹر سنا اللہ، آپتاب آلم ءُ شمس آلم آوار جتگ ءُ بیگواہ کرتگ اَنت۔
آیانی زوریں بیگواھی ءِ گپ کھول ءَ راست کرتگ ءُ گوشتگ کہ پاکستانی لشکر ءَ گوں گس ءِ آدگہ مردماں ھم زوراکی کرتگ۔
چوش کہ اے مردم گوں بی وائی سی ءِ سروک سبگت اللہ شاہ جی ءَ ھوار بیگواہ کنگ بیتگ اَنت۔ اے سے ئیں مردم سگبت اللہ شاہ جی ءِکھول ءِ مردم اَنت۔
ھمے وڑ ءَ مرچی سھب ءَ شال سریاب ءَ پاکستانی لشکر ءَ گسے ءَ بیڑ برتگ ءُ سمی اللہ کرد نامیں ورنایے آوار جتگ بیگواہ کرتگ۔
