شال: بلوچ یکجھتی کمیٹی ءِ سروک سمی دین بلوچستان بار کونسل ءَ شتگ ءُ گوں بلوچستان بار کونسل ءِ کمک سرکماش راجب ھان بلیدھی،ایڈوکیٹ چیئرمین ایگزیکٹوو کمیٹی امان اللہ ھان کاکڑ ءَ کارگس ءَ گند ءُ نند کرتگ ءُ بلوچستان ءَ درکانودی زوریں بیگواھیانی بابت ءَ گپ جتگ ءُ گوشتگ کہ بلوچستان ءَ زوریں بیگواھی ءِجیڑہ سکا مزن اِنت۔
آئی ءَ گوشتگ کہ منی پت ڈاکٹر دین مھمد ءِ زوریں بیگواھیءَچنچو سال گوستگ کہ انگت ءَ آ یک آمیدگسے ءَ پیش کنگ نہ بیتگ، آ گوں کجام جاوراں اِنت زندگ اِنت یا نہ۔ مارا ھمے گوشگ بہ بیت کہ بلوچستان ءِ ماس ءُ گھار پہ وتی آزیزانی ودار ءَ ھمک روچ تلوسگ ءَ اَنت اگاں آیاں چونیں ھم میارے کرتگ گڑا آمیدگس ءَ پیش کنگ بہ بنت۔
بلوچستان بار کونسل ءِ کمک سرکماش ءُ اور چیئرمین ایگزیکٹوو کمیٹی ءَ سدکی داتگ کہ بلوچستان بار کونسل چونیں ھم شھری یے ءِ درکانودی کوش ءُ زوریں بیگواھی ءِ بگیری ءَ توار چست کنت۔
