بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 28 پروری ءِ شپ ءَ بی ایل ایپ ءِ سرمچاراں بلوچستان ءِ تیاب دپی شھر پسنی ءِ ھند ریک پشت ءَ موبائل ٹاور ءِ ھواری ءَ مشین ءُ سامان مانداشتگ اَنت.
جارکش ءَ گوشتگ که دگه یک اُرشے ءَ 28 پروری ءِ شپ ءِ ادار یک ءِ نزیک ءَ سرمچاراں نوشکے ءِ ھند زرین جنگل ءَ ٹیلی نار کمیونیکیشن شرکت ءِ ٹاور گوں شورھاں تباه کرتگ ءُ مشین ھم مانداشتگ اَنت.
آئی ءَ گوشتگ که بلوچستان ءِ کوچگ ءُ میتگاں لوٹ ءَ گیش رھوتی نزام ءِ درچ ءِ گیش بوگ ءَ اِنت، مول ایش اِنت که گوں رھوتی نزام ءِ جتگیں چاریگی ابزاراں سرمچارانی ترّ ءُ گرد ءَ بہ دار ایت۔
میجر گھرام ءَ دوئیں اُرشانی زمه واری من اتگ ءُ گوشتگ که سرجمیں بلوچستان ءَ رھوتی نزام ءِ جنوکیں شرکتاں کڈن کن اِیں که آ گوں وتی نزام ءَ زورگریں لشکر ءُ چیریں ادراھانی آسراتی دیگ ءَ پھریز به کن اَنت اگاں نه وتی تاوان ءِ زمه وار وت انت.
