بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں زی دوازدہ ءَ جاھو ءِ ھند نوندڑہ ڈل ءِ شھر ءَ پاکستانی لشکر ءِ سر ءَ ارش کرتگ یک کارمندے کشتگ ءُ باز ٹپی کرتگ۔
جارکش ءَ گوشتگ کہ بی ایل ایپ ءِ اسنائپر ٹیکٹیکل ٹولی ءَ 20 پروری ءِ دوازدہ ءَ زورگریں پاکستانی لشکر ءِ بنجل ءِ دیم ءِ کارمندانی سر ءَ ارش کرتگ، یک کارمندے کشتگ ءُ پد ءَ گوں نوکیں سلاھاں بنجل نشانگ کرتگ۔ایشی آسر ءَ باز کارمند ٹپی بیتگ۔
آئی ءَ گوشتگ کہ دگہ یک ارشے ءَ سرمچاراں مرچی دوازدہ ءِ نزیک ءَ ھاران بازار ءَ مزنیں چاراہ ءِ سر ءَ ریاست ءِ نزیکیں کارمند رسول بکش ببار ء ابدُللہ تیرگواری کرتگ ءُ کشتگ۔
جارکش ءَ گوشتگ کہ بی ایل ایپ ءِ چیریں تک ءِ ھمبل گوستگیں چنچو ماہ اِنت کہ اے کارمند ءِ تر ءُ گرداں چارگ ءَ بیتگ اَنت۔ ایشی وتی دروشم مٹ کرتگ ءُ ھاران بازار ءَ ٹوپ بھا کنگ ءَ بیتگ۔
میجر گھرام ءَ زورگریں پاکستانی لشکر ءُ ریاستی چیریں ادارہ ءِ کارمند ءِ کوش ءِ زمہ واری من اتگ ءُ گوشتگ کہ ھمے کول ءَ کن ایں داں بلوچستان ءِ آجوئی ءَ زورگریں لشکر ءَ نشانگ کن ایں۔
