بلوچ وومن پورم ءِ بنجاھی جارکش ءَ بلوچستان ءَ ناشرکاری، درکانودی کوش ءُ زوریں بیگواھیانی گیش بوگ گوں ترندیں دانکاں ایر جتگ ءُ گوشتگ کہ مکران، تربت ءُ پسنی ءَ انوگیں ویل بلوچ چکچینی ءِ دگہ یک منانکے اَنت، ایشی ءَ بلوچ نودربر ءِ کوش ءُ ورنایانی زوریں بیگواھی ھوار اَنت۔
آئی ءَ گوشتگ کہ شریپ زاکر یک نامداریں استاد ءُ وانندگے، باز رند ءَارش ءُ بیھارانی آماچ بیتگ۔ آئی زھگ ءُ ناکو زتک آوار جنگ بیتگ اَنت اے ریاست ءِ انسانی زندگی ءِ بگیری ءَ نادزرسی ءَ پیش دار ایت۔ ھیات سبزل 3 جولائی 2024 ءَ چہ تربت ءَ پاکستانی لشکر ءَ زور بیگواہ کرتگ۔ آئی ژانگولیں لاش 11 پروری 2025 ءَ چہ پنجگور ءَ دزکپتگ کہ اے پہ آئی کھول ءَ سکا مزنیں اندوھے۔ اللہ داد یک ورنا ءُ بلوچ نودربرے آ 4 پروری 2025 ءَ تربت ءَ نشانگ کنگ بیتگ ءُ آئی کوش پہ بلوچ راج ءَ مزنیں تاوانے۔
جارکش ءَ گوشتگ کہ تیوک ءَ یک شپے ءَیازدہ بلوچ ورنا چہ پسنی ءُ کلانچ ( چککلی ) ءَ زور بیگواہ کنگ بیتگ، اے بلوچستان ءَ زوریں بیگواھیانی یکشل ءَ گیش بوگ ءَ پیش دار ایت۔ اسما بی بی یک بلوچ جنکے، 5 ءُ 6 پروری ءِ میانی شپ ءَ ھندی کشندہ ٹولی ءِ کارمند آئی گراں کنگ ءِ میان ءَ کھول ءَ ھم لٹ شاپ کن اَنت۔ سے روچ ءِگوزگ ءَ پد لس مردمانی زھرشانی کنگ بلوچستان ءِ راھانی بند کنگ ءِ سوب ءَ یک زور ءِ تامربندے جوڑ کرتگءُ شنگ کرتگ اَت آ دروگ لیکگ بیتگ، پد ءَ ھم اسما ءِ آجوئی ءَ پد میاربار داں مرچی ھم کانود گرگ ءَ نہ اِنت۔
آئی ءَ گوشتگ کہ سرجمیں بلوچستان ءَ بلوچ ورنا، زانوگر گوں تیزی ءَ نشانگ جکنگ بوگ ءَ اَنت، اے بلوچ چکچینی ءِ پدریں منانک اِنت۔ ریاست ءِ اے کارپد انسانی ھک ءُ میان استمانی کانود ءِ تچکی ءَ بگیری اِنت۔ ما گوں میان استمانی تک ءُ انسانی ھکانی گلاں لوٹ کن ایں کہ آ بلوچ چکچینی ءِ بگیری ءَ گامگیج بزور اَنت ءُ ایشی ایر بہ جن اَنت۔
