ڈیره بگٹی/ پسنی: زورگریں پاکستانی لشکر ءُ چیریں ادراھانی کارمنداں چه ڈیره بگٹی ءُ کیچ ءَ شش مردم آوار جنگ ءَ پد بیگواه کرتگ.
بنشون ءِ رد ءَ گوستگیں روچ ءَ زورگریں پاکستانی لشکر ءِ کارمنداں بگٹی کالونی ءَ بیڑ کرتگ ءُ سے مردم توتا ء موسا بگٹی، کازی ء چیڈو بگٹی ءُ جنگل ء جاپر بگٹی آوار جتگ ءُ بیگواه کرتگ اَنت. چه ایشی ءَ اَبید چیریں ادارهانی کارمنداں چه دودوانی پھل ءَ جما ء مھمود بگٹی آوار جنگ ءَ پد بیگواه کرتگ.
ھمے وڑ ءَ گوستگیں روچ ءَ زورگریں پاکستانی لشکر ءِ کارمنداں چہ سوئی شھر ءَ سیپ الله ء کوھی بگٹی ھما وھد ءَ چہ آشکانی ءَ آوار جتگ کہ آ وتی گس ءَ روگ ءَ بوتگ۔
چه ایشی ءَ اَبید مرچی بامگواه ءِ ادار چار ءُ نیم ءَ زورگریں پاکستانی لشکر ءِ کارمنداں تمپ ءَ گسے ءَ بیڑ برتگ ءُ ابراھیم ء الی نامیں مردمے آوار جتگ ءُ بیگواه کرتگ. ابراھیم ءِ زوربیگواھی ءِ گپ کھول ءَ راست کرتگ ءُ په آئی ءِ آجوئی ءَ توار چست کنگ ءِ لوٹ کرتگ.
زی چہ آواران پیراندر چوکو ءَ زورگریں پاکستانی لشکر ءَ شئیب ء کریم بکش نامیں ورنایے آوار جتگ کہ آ چیدگی ءِ جاہ منند اِنت۔
دومی نیمگ ءَ پسنی ءَ زورگریں پاکستانی لشکر ءِ دست ءَ آوار جنگ بیتگیں دو برات وسیم ءُ وشدل پٹھان آجو بیتگ اَنت. دوئیں برات 9 پروری ءِ شپ ءَ زورگریں لشکر ءِ کارمنداں چه پسنی، چکلی ءَ آوار جتگ ءُ بیگواه کرتگ اِت اَنت.
