ھب چوکی: زور بیگواھیں مردمانی کھولءُ ھب انتزامیہ ءِ میان ءَ گپ ءُ تران بےسوب بیتگ، زھرشانی نندانک سیمی روچ ءَ ھم برجاہ اِنت۔ اے وھد ءَ زور بیگواھیں مردمانی کھول ءُ لس مردم بازیں کچےءَ زھرشانی نندانک ءَ ساڑی اَنت۔
چہ دگ ءِ بند بوگ ءِ سوب ءَ بلوچستان ءِ جتا جتائیں ھندانی رؤک ءُ آؤکیں گاڑی اوشتاتگ اَنت ءُ مساپر سکا جنجالانی دیمپان اَنت۔
زور بیگواھیں مردمانی کھولانی گوشگ اِنت دانکہ مئے مردم آجو کنگ یا دیم ءَ آرگ نہ بنت ما وتی زھرشانی نندانک ءَ برجاہ دار ایں۔
