ھب چوکی: زور بیگواھیں یاسر ھمید، جنید ھمید ءُ چاکر بگٹی ءِ کھول ءَ پہ وتی مردمانی یل نہ کنگ ءِ بگیری ءَ بھوانی ءَ زھرشانی ءَ شھدگ بند کرتگ۔ زھرشانی ءَ مردماں بازیں کچے ءَ بھر زرتگ۔
یاسمین ھمید ءِ گوشگ اِنت کہ منی برات یاسر ءُ جنید ھمید ءَ چار ماہ پیش ریاستی ادارھاں آوار جتگ ءُ بیگواہ کرتگ کہ انگت بیگواہ اَنت۔ آیانی بابت ءَ مارا انگت ءَ ھچ گوشگ نہ بیت کہ آیانی سر ءَ چے بھتام ھست ءُ آیاں چے کرتگ۔
آئیءَگوشتگ کہ منی برات مزدور اَنت ءُ آیانی گو ں ھچ وڑیں سیاسی چست ءُ ایراں کار نہ بیتگ، آیانی زوریں بیگواھی ڈیھ ءِ راھبند ءُ کانود ءِ بگیری اِنت۔
آئی ءَگوشتگ کہ ما ھمے لوٹ ءَ کن ایں کہ مئے زور بیگواھیں مردم زوت آجو کنگ یا آمیدگس ءَ پیش کنگ بہ بنت۔ اے زوریں بیگواھی ءِ درچ دارگ بہ بیت۔
آیانی گوشگ دانکہ مئے مردم آجو کنگ نہ بیتگ اَنت ما وتی زھرشانی ءَ برجاہ دار ایں۔
