بلوچ لبریشن آرمی ءِ جارکش جئیند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں نوشکے ءُ کلات ءَ دو جتائیں کاروائیاں زورگریں پاکستانی لشکر ءُ چیریں ادراھانی کارمند کشتگ ۔
جارکش ءَ گوشتگ که بی ایل اے ءِ سرمچاراں مرچی نوشکے ءِ ھند مینگل دوراھی ءَ زورگریں پاکستانی لشکر ءُ چیریں ادراھانی جوڑ کرتگیں کشنده ٹولی ءِ کارمند تارک مینگل تیرگواری کرتگ ءُ کشتگ۔
آئی ءَ گوشتگ که کشگ بیتگیں کارمند ءَ نوشکے ءُ کر ءُ کشاں زورگریں لشکر ءِ پرمان ءَ سلاه بندیں ٹولیانی سروکے بیتگ. اِے ٹولی گسانی سر ءَ بیڑ برگ، جنین ءُ زھگانی کم شرپ کنگ ءُ زوریں بیگواھیاں تچک ءَ پاکستانی لشکر ءِ تچک ءَ کمک بیتگ، ھمے وڑ ءَ نوشکے ءَ ورناھانی کوش ءَ ھم آیانی دست مان بیتگ۔
جارکش ءَ گوشتگ که اِے ٹولی ءَ بلوچانی کوش ءِ بدل ءَ چه پاکستانی لشکر ءِ نیمگ ءَ بازیں موکل دیگ بیتگ. چوش که گزنلی ءَ ڈرائیوراں چه باج گِرگ، لس مھلوک ءِ سر ءَ زوراکی کنگ، کار ءُ باری مردماں چه باج گرگ ءُ ورناھانی لاچار کنگ که آ په زورگریں لشکر ءَ کار به کن اَنت۔
آئی ءَ گوشتگ کہ اے ٹولی ءِ آدگہ مردم پجارگ بیتگ اَنت کہ بی ایل اے ءِ انٹیلیجنس بھرگ زاب ءَ چم سک داشتگ اَنت،اے درسیں مردم بی ایل اے ءِ سرمچارانی نشانگ ءَ اَنت۔
آئی ءَ گوشتگ که بی ایل اے ءِ سرمچاراں 8 جنوری ءَ چه پندران ءَ پاکستانی چیریں ادراھانی کارمند مھمد شاکر دزگیر کرتگ ءُ میارانی منّگ ءَ پد بلوچ راجی آمیدگس ءَ آئی ءَ کوش ءِ سزا ءِ پیسله کرتگ۔
آئی ءَ گوشتگ که مھمد شاکر کلات ءَ موبائل ٹاورانی سپروائزرے بیتگ. آئی ءَ زورگریں لشکر ءِ پرمان ءَ پله مزرے ءِ دروشم ءَ وت ءَ گوں گل ءَ ھوار کرتگ ءُ ٹریکنگ چپ ءِ سر کنگ ءِ جھد کرتگ۔
جارکش ءَ گوشتگ که به ایل اے ءِ انٹلی جنس ونگ زراب ءَ په وھد ھال داتگ ءُ سرمچاراں مھمد شاکر گپتگ ءُ دزگیر کرتگ۔
آئی ءَ گوشتگ که مھمد شاکر ء ھاجی ابدالرزاک دھوار جھمنند ھاردان جست ءُ پرس ءِمیان ءَ منّ اِتگ که آ چه 2021 ءَ پاکستانی چیریں ادراھ آئی ایس آئی ءِ میجر مجتبی ءِ سروکے ءَ چاریگے ءَ بیتگ۔
آئی ءَ گوشتگ که مھمد شاکر ءَ من اتگ که آئی ءَ گوں پاکستانی لشکر ءِ پیشگیں کرنل اُمر، ایم آئی ءِ اپسر شاھد، سوبیدار گلام ھسین ءُ سوبیدار جمیل ءِ گون ءَ ھم رھوت بیتگ ءُ اِے پنچیں مردماں چاریگے نٹورک ءَ کار کرتگ۔
جارکش ءَ گوشتگ کہ مھمد شاکر ءِ گوشگ اِنت کہ آئی ایس آئی ءِ نیمگ ءَ آئی ءَاکس دیگ بیتگ ھمے بنیاد ءَ آئی چاریگی کرتگ۔ آئیءَ من اتگ کہ کلات پندرانی ءَورنا آگا اکتر شاہ ءِ چاریگے کرتگ، ھمیشی ءِ آسر ءَ پاکستانی لشکر ءِ کارمنداں آ زور بیگواہ کرتگ۔ ایشی کیل ءَ ھم یک ورنایے ءِ چاریگی کرتگ آئی گس ءَ شپ ءَ پاکستانی لشکر ءَ بیڑ برتگ ءُورنا بیگواہ کرتگ۔
آئی ءَ گوشتگ کہ مھمد شاکر ءَ دیمتر ءَ من اتگ کہ ھمے وڑ ءَ کلات ءَ یک لیویز کارمندے ءُ کلات ءَ شھدگ ءِ سر ءَ پٹرول پمپ ءَ یک کارکنوکیں ورنایے پراز زھری، سکونت پد شار ءِ پاکستانی لشکر ءِ دست ءَ بیگواہ کنگ ءَ ھوار بیتگ۔ ھمے وڑ ءَ کوھک ءَ یک ورنایے ءِ چاریگی کرتگ ءُ آئی تامربند جوڑ کرتگ ءُپاکستانی چیریں ادارھاں داتگ۔ ایشی آسر ءَ دومی روچ ءَ پاکستانی لشکر ءُ چیریں ادارھاں اود ءَ بیڑ برتگ آ مردم اود ءَ ساڑی نہ بیتگ، گڑا پاکستانی لشکر ءَ اود ءَ ٹیوب ویلے ءَ کار کنوکیں پشتونے آوار جتگ۔
جارکش ءَ گوشتگ که شاکر ءَ من اتگ آئی ءَ پندران ءِ جھمنندے ءِ چاریگے ءِ زمه دیگ بیتگ که چه ایشی ءَ آ شال ءَ دیم دیگ بیتگ. شال ءَ په آئی ءِ چاریگے ءَ جھد کرتگ ءُ آئی ءِ بارو ءَ ھچ وڑیں ھال دز نه کپتگ. بلے آ لھتے روچاں پد چه شال ءَ بیگواه کنگ بیتگ۔
آئی ءَ گوشتگ که شاکر ءَ من اتگ که آئی ءَ گوں وتی ھمبل مھاب ءَ بلوچ سلاه بندیں گل ءِ نام ءَ ھندو تاجرے لاچار کرتگ ءُ چه آئی ءَ 15 لاکھ روپیه باج گپگ۔
جارکش ءَ گوشتگ: چریک شاکر ءَ گوشتگ که آئی ءَ چاگردی رسانکدر پیس بُک ءَ ورنا ءِ نام ءَ جتا جتائیں اکاونٹ جوڑ کرتگ ءُ سرمچارانی پله مرزے ءَ پوسٹ شنگ کرتگ که آیانی سوب ءَ گوں ورناھاں رھوت ءُ آیاں زورگریں پاکستانی لشکر ءِ دست ءَ زوربیگواه به کنت۔
آئی ءَ گوشتگ که آئی ءَ دیمتر ءَ گوشتگ پاکستانی لشکر ءِ میجرے ءَ ماں تواربندے ءَ گوں آئی ءَ کلوه کرتگ که سردار شکیل کار نه کنت ، نوں ترا سردار کن اِیں په ایشی ءَ وت ءَ تیار به کن.
جارکش ءَ گوشتگ که مھمد شاکر ءَ وتی نٹورک ءَ بندوکیں مردماں ھوار آ دگه چاریگ ءُ چریکانی نام ھم پاشک کرتگ اَنت۔
جیئند ءَ گوشتگ که مھمد شاکر راجی میاربارے ءِ بنیاد ءَ بلوچ راجی آمیدگس ءَ آئی ءَ کوش ءِ سزا داتگ که سرمچاراں آئی ءِ سر ءَ کار کرتگ ءُ آ کشتگ. کلات ءِ شھر ءُ کر ءُ کشاں په پاکستانی لشکر ءَ کارکنوکیں چاریگ ھم مھمد شاکر ءِ وڑ ءَ وتی گڈی آسر ءَ سر کنگ بنت۔
