بلوچ لبریشن آرمی ءِ جارکش جیھند ءَ وتی درشانے ءَ گْوشتگ کہ سرمچاراں یک اھوتی ھالے ءِ بنیاد ءَ ھزدار ءَ زورگریں پاکستانی ءِ کارمند گوں تراکناکیں شورھاں نشانگ کُرتگ اَنت۔ کہ کم چہ کم دژمن ءِ یازدہ کارمند مُرتگ ءُ بیست ءِ ھشت ٹپی بیتگ۔
جارکش ءَ گْوشتگ کہ بلوچ لبریشن آرمی ءِ اسپیشل ٹیکٹیکل آپریشنز اسکواڈ (ایس ٹی او ایس) ءِ بی ایل اے انٹیلی جنس ونگ “زراب” ءِ اھوتی ھالے ءِ بنیاد ءَ چہ ھزدار شھر ءَ 60 کلومیٹر دور کوڑی ءَ زورگریں پاکستانی لشکر ءِ کارمنداں برگ ءَ بیتگیں بس گوں تراکناکیں شورھاں نشانگ کُرتگ، اُرش ءِ آسر ءَ بس سرجم ءَ تباہ بیتگ ءُ بس ءَ سوار بیتگیں یازدہ کارمند مُرتگ ءُ بیست ءُ ھشت ٹپی بیتگ،مُرتگیں کارمند زورگریں پاکستانی لشکر ءِ چیریں ادارہ ءُ ایپ سی ءِ کارمند بیتگ اَنت۔
آئی ءَ گْوشتگ کہ دژمنیں لشکر ءِ بروک ءُ آروکیں بس ءَ ایوک ءَ زورگریں لشکر ءِ کارمند سوار بیتگ اَنت۔ زراب ءِ اھوتی ھال ءِ رد ءَ اے بس ءَ لس شھری سوار نہ بیتگ۔اے مساپر گاڑی چہ “پنڈی کوچز” گوڑا چاراہ ءَ چہ بس اڈہ ءَ ھشت ءَ بنجل ءَ رھادگ بیتگ ءُ ھشت ءُ سی ءَ بنجل ءَ سر بیتگ، چہ اود ءَ رھادگ بیگ ءَ پد بس نوہ ءُ چِل ءَ کوڑی ءَ سر بیتگ کہ گوں چیر کُرتگیں شورھاں نشانگ کہ دژمن ءَ باز جانی ءُ مالی تاوان بیتگ۔
بی ایل اے ءِ جارکش جیھند ءَ وتی درشان ءِ گُڈی ءَ گْوشتگ کہ بلوچ لبریشن آرمی ءِ اسپیشل یونٹ “ایس ٹی او ایس” ءُ چیریں ادارہ “زراب” ءِ مھکم ءُ گھتریں کارشونی ءِ سْوب ءَ دژمنیں لشکر ءِ سر ءَ چوشیں اُرشے کُرتگ۔بلوچ لبریشن آرمی اے سوبمندیں اُرش ءِ زمہ واری ءَ منّ ایت ءُ کول کنت کہ دژمن ءِ سر ءَ مدام چوشیں اُرش کنت۔
