بلوچ لبریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی کیچ ءِ ھند زامران ءَ زورگریں پاکستانی لشکرگوں چیرکرتگیں شورھاں نشانگ کرتگ ءُ دو کارمند کشتگ۔
آئی ءَ گوشتگ کہ بی ایل اے ءِ سرمچاراں زامران ءِ ھند ڈیل کک ءَ زورگریں پاکستانی لشکر ءِ یک گاڑی یے گوں چیرکرتگیں شورھاں نشانگ کرتگ گاڑی ءَ سواریں دو کارمند جاھی مرتگ ءُ گاڑی سرجم ءَ تباہ بیتگ۔
جارکش ءَ گوشتگ کہ اے کارمند پہ دژمنیں لشکر ءِ کاروان ءَ راہ ءَ پکا کنگ ءَ بیتگ اَنت کہ نشانگ کرتگ اَنت۔
جیئند ءَ ارش ءِ زمہ واری من اتگ ءُ گوشتگ کہ دژمنیں لشکر ءِ سر ءَ ارشانی برجاہ دارگ ءِ کول ءَ کن ایں۔
