آواران: بلوچ وومن پورم ءِنیمگ ءَ شھید بانک کریمہ ءِ یات ءَ برجم داشتگیں مراگشانی بنیاد ءَ ڈاکٹر شلی ءَ ھوار آدگہ مردم ایپ آئی آر کنگ بیتگ اَنت۔
اے درگت ءَ بلوچ وومن پورم ءَ وتی درشانے ءَ گوشتگ کہ ایپ آئی آر ءِ تہ ءَ ڈاکٹر شلی بلوچ، زکیہ بلوچ، ارزملک ءُ آدگہ مردمانی نام مان اَنت کہ آیاں 21 دسمبر 2024 ءَ آواران ءِ ھند تیرتیج ءَ شھید بانک کریمہ ءِ یات ءَ مراگش برجم داشتگءُ مراگش ءَ اتکگیں مردمانی نام ھم ایپ آئی آر ءَ ھوار اَنت۔
آئی ءَ گوشتگ کہ ایپ آئی آر ءِ تہ ءَ انچوش نبشتگ کہ مراگش ریاست ءِ بگیری ءَ بیتگ اَنت ءُ زھگانی زھن ھراب کنگ بیتگ اَنت۔
