سندھودیش روولیوشنری آرمی ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ که دوشی 4 جنوری ءَ بدین ءِ هند ماتلی سٹی ءَ چیریں اداره ءُ مھزبی گل سپاه سھابه ءِ دو کارمند ءِ سر ءَ اُرش کرتگ که چه ایشی ءَ گل ءِ اُگدهدار ابدالواھد کمبوه مرتگ ءُ آئی ءِ برات مھمد تائر کمبوه ٹپی بیتگ.
آئی ءَ گوشتگ که پاکستان ءِ ریاست ءَ سند ءِ زمین ءُ مڈی گپتگ اَنت. ریاست ءَ وتی مھکمیں شوربندیانی بنیاد ءَ چه سند ءِ دریا ءَ جو جتگ ءُ پنجاپی ءَ سند ءَ آرگ ءَ اِنت که یک نیمگے آیاں راجی جھدکارانی بگیری ءُ پنجاپیانی گیش کنگ ءَ اَبید دومی نیمگ ءَ وتگڑیں مزهبی گلانی سروکے ءَ مھزبی ناشرکاری ءَ کارمرز کنگ اِنت.
جارکش ءَ گوشتگ که نشانگ کنگ بیتگیں دوئیں برات سرکار ءُ چیریں ادراھانی چیردستی ءَ بدین ءُ آ دگه تیابدپی ھنداں په مھزبی ناشرکاری ءُ پنجاپیانی زورگری ءَ کار ءَ بیتگ اَنت.
آئی ءَ گوشتگ که مئے جھد داں سند ءِ آجوئی ءَ برجاه بنت.
