پسنی: پاکستانی لشکر ءِ دست ءَ زور بیگواہ کنگ بیتگیں دوستین پنام بولان کریم ءِ زوریں بیگواھی ءِ دوازدہ سال سرجم بیتگ، مرچی پسنی ءَ چہ آئی کھول ءِ نیمگ ءَ پسنی پریس کلب ءَ داں جے ایس بینک ءَ زھرشانی روانکے کشگ بیتگ۔
راونک ءَ جنین ءُ زھگاں ھوار مردماں بازیں کچے ءَ بھر زرتگ ءُ آیان ءَاکس، بینر ءُ پلے کارڈ دستاں بیتگ کہ آیاں زوریں بیگواھی ءِ بگیری ءَ اوگام جتگ ءُ بیگواھیں مردمانی آجوئی ءِ لوٹ کرتگ۔
آیاں تران کرتگءُ گوشتگ کہ بولان کریم ءِ زوریں بیگواھی ءَ مرچی دوازدہ سال سرجم بیتگ کہ انگت بیگواہ اِنت۔ آ وھد ءِ زھگ نوں ورنا بیتگ اَنت بلے بولان کریم ءِ انگت ءَ ھچ وڑیں ھال نیست۔
آیاں گوشتگ کہ بولان کریم ءِ مات ءَ دوازہ سال اِنت کہ وتی زھگ ءِ ودار اِنت مرچی باندا منی زھگ آجو بیت، اے زوازدھیں سال آئی ءِ مات ءُ گھاراں چون گوازینتگ اَنت اے گپ ءَ ھما زان اَنت کہ ھمے رنجانی دیمپان اَنت۔
