شال؛ پہ زور بیگواھیں مردمانی پدجنگ ءَ برجاھیں وی بی ایم پی ءِ زھرشانی گدان ءَ 5689 روچ سرجم بیتگ۔ شمبے ءِ روچ ءَ سیاسیءُ چاگردی کارکن الی بکش بگٹی، ابدالگنی سیلاچی ءُ آدگہ مردم پہ ھمدردی درشان کنگ ءَ گدان ءَآتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگ ءُ گوشتگ کہ بلوچستان ءَ زوریں بیگواھی تیز بوان اِنت۔ بلوچستان ءِ کنڈ کنڈ ءَزھرشانی کنگ ءُ زور بیگواھیں مردمانی کھول انساپ لوٹگ ءَ اَنت بلے انساپ ءِ جاہ ءَ زوراکیانی نشانگ کنگ بوگ ءَ اَنت۔
آئی ءَگوشتگ کہ بلوچستان ءَ ریاستی لشکر ءِ نیمگ ءَ لس مردمانی آزار دیگ دودے جوڑ بیتگ، کس ءَ مجال نہ اِنت کہ ریاستی زوراکیانی سرءَ گپ بہ جنت۔
ماما کدیر گوشتگ کہ بلوچستان ءَ سیاست بنام کنگ بیتگ، سرکاری اگدہ ناشریں مردماں دیگ بیتگ اَنت، آبلوچستان ءِ دردانی گوش دارگ ءَ ابید سرکار ءِ کمکار اَنت۔
