ھب چوکی: چه ھب پولیس ءِ نیمگ ءَ زبیر بلوچ ءِ زوربیگواھی ءِ بگیری ءَ زھرشانی کنوکیں مردمانی سر ءَ ارزی نبیسگ بیتگ ءُ آیانی سر ءَ بھتام جنگ بیتگ که آیاں دگ بند کرتگ ءُ پولیس کارمند جتگ ءُ ٹپی کرتگ اَنت.
اھوالکار ءِ رد ءَ پولیس ءَ وتی ارزی ءِ ته ءَ زبیر بلوچ ءِ کھول ءِ مردم ءُ سیاسی کارکناں ھوار ، آرپ بلوچ، ماھزیب بلوچ، جاوید، ابداُلله ءُ دگه بازیں جنینے ءِ نام ھوار کرتگ.
چوش که ھب چوکی ءَ زبیر بلوچ ءِ زوربیگواھی ءِ بگیری ءَ چه آئی ءِ کھول ءِ نیمگ ءَ داں دو روچ ءَ زھرشانی کنگ ءُ ھب بائی پاس بند کنگ بیتگ اَت، زھرشانی داں زبیر ءِ آجوئی ءَ برجاه بیتگ اَت۔
