تربت: بلوچ یکجھتی کمیٹی، شھید زریپ ءُ شھید نوید ھمید ءِ کھول ءَ چہ شھید پدا اھمد چاراہ ءَ زھرشانی روانکے کشگ بوتگ کہ بازار ءُ ڈی پی او ءِ کارگس ءِ دیم ءَ تر ءُ گرد کنگ ءَ پد کمک دمگدار ءِ کارگس ءِ دیم ءَ مچ بوتگ اَنت۔
آیاں تران کرتگ ءُ گوشتگ کہ بلوچستان ءَ زوربیگواھی ءُ مردمانی درکانودی کوش یکشکل ءَ برجاہ اَنت، سرکار پہ ایشانی گِر ءُ دار کنگ ءَ گامگیج بزور ایت۔
کمک دمگدار ءِ کارگس ءِ دیم ءَ ڈی سی مکبول انور ءُ اے ڈی سی ھلیل مراد گوں شھید زریپ ءُ شھید نوید ءِ کھولانی گون ءَ گپ ءُ تران کرتگ۔
زریپ اُمر ءِ کھول ءِ گوشگ اِنت کہ زریپ ءِ کوش ءَ ھواریں لشکری کارمندانی بگیری ءَ ارزی نبیسگ ءُ سزا دیگ بہ بنت۔
آیاں گوشتگ کہ داں کہ مئے لوٹانی سر ءَ گامگیج زورگ نہ بوتگ مئے زھرشانی نندانک شھید پدا چاراہ ءَ برجاہ بیت۔
