شال: بلوچ یکجھتی کمیٹی ءَ شال ءَ زھرشانی کنگ ءِ جار جتگ ءُ گْوشتگ کہ تربت ءَ شھید زریپ ءِ کھول ءُ ھب چوکی ءَ زبیر ءِ کھول زھرشانی ءَ نشتگ اَنت۔ما آیانی زھرشانی ءِ پلہ مرزی ءَ مرچی بلوچستان زانشجاہ شال ءِ دیم ءَ زھرشانی کن ایں۔
آئی ءَ گْوشتگ کہ ریاست ءِ زوراکیں لشکری ادارہ ھب ءُ تربت ءَ مردماں بیھار دیگ ءَ اَنت کہ زھرشانیاں ھلاس بہ کن اِت،بلے بلوچ راج وتی مات ءُ گھارانی پھریزگ ءَ دگانی سر ءَ درکپتگ اَنت۔
بی وائی سی ءَ گْوشتگ کہ ما گوں شال ءِ مردماں دزبندی کن ایں کہ مرچی بیگاہ ءِ چار ءَ بلوچستان زانشجاہ ءِ دیم ءَ بیا اَنت ءُ زھرشانی ءَ بھر بہ زور اَنت۔
