تپتان:پاکستانی لشکر ءِ ناھکی ءُ چوکیانی بگیری ءَ مرچی ھشت روچ اِنت کہ ٹرانسپورٹر زھرشانی کنگ ءَ اَنت۔
یکشمبے ءِ روچ ءَ ٹرانسپورٹراں دیوانے برجم داشتگ ءُ آیاں گْوشتگ کہ ما ھمد ءِ جھمنند ایں ءُ پہ وتی ھکاں جنگ کنگ ءَ ایں۔
آیاں گْوشتگ کہ تپتان ءَ پاکستانی لشکر ءِ کارمند چوکیاں بساں دار اَنت ءُ مساپراں دلسیاہ کن اَنت۔
آیاں گْوشتگ کہ داں مئے لوٹ منّگ مہ بنت ما وتی زھرشانی ءَ ھلاس نہ کن ایں ءُ اے زھرشانی ءَ سرجمیں بلوچستان ءِ ٹرانسپورٹر گوں ما ھمراہ اَنت۔دیمتر ءَ ما شھدگ ءِ سر ءَ بساں اوشتارین ئیں ءُ دگ ءَ بند کن ایں۔
آیاں گْوشتگ کہ نوکنڈی ءُ دالبند ءَ پاکستانی لشکر ءَ ھما بس کہ گپتگ اَنت، آیاں یل بہ کنت ءُ دیمتر ءَ بس ڈرائیور ءُ مساپر وتسر ءَ تنگ کنگ مہ بنت۔
