بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں بیست ءُ ھشت دسمبر ءِ شپ ءِ ھشت ءُ نیم ءَ کیچ ءِ ھند تمپ، ملانٹ ءَ برجاھیں زورگریں پاکستانی لشکر ءِ چوکی ءِ سر ءَ گوں ٹوھیں سلاھاں اُرش کُرتگ، اُرش ءَ پاکستانی لشکر ءِ دو کارمند ٹپی بیتگ۔
آئی ءَ گْوشتگ کہ پروش وارتگیں دژمن ھمک اُرش ءَ پد لس مردماں نشانگ کنت ءُ وتی مردمان ءَ دلبڈی دیگ ءِ جُھد ءَ کنت۔ بلے گْوستانک ءِ تاکدیماں اے گپ پدر اِنت کہ جھان ءِ ھر زورگریں ریاست زمین ءِ پُسگ ءَ پروش داتگ، ما ھم سدکیں کہ زوت یا کہ دیر بلے زورگریں پاکستانی لشکر چہ بلوچستان ءَ درکپگ ءُ روگ ءَ لاچار بیت۔
درشان ءِ گُڈی ءَ میجر گھرام ءَ اُرش ءِ زمہ واری منّ اِتگ ءُ گْوشتگ کہ داں سرڈگار ءِ آجوئی ءَ زورگریں پاکستانی لشکر ءِ سر ءَ مئے اُرش برجاہ بنت۔
