شال: پہ زوربیگواھیں مردمانی پد جنگ ءَ وی بی ایم پی ءِ شُد کشیں زھرشانی گدان ءَ 5682 روچ سرجم بوتگ۔ شمبے ءِ روچ ءَ گُلام مھمد ، مھمد نواز چہ مچ بولان ءَ گدان اَتکگ ءُ گوں زور بیگواھیں مردمانی کھولاں ھمدردی درشان کُتگ۔
وی بی ایم پی ءِ کمک سرکماش ماما کدیر ءَ گوں مردماں تران کنان ءَ گْوشتگ کہ ریاست گوں تُرندی ءَ مررماں بیگواہ کنگ ءُ کُشگ ءُ دور دیگ ءَ اِنت۔چہ کیچ ءَ پاکستانی لشکر ءَ زریپ چہ لوگ ءِ مردمانی دیم ءَ آوار جتگ ءُ دومی روچ ءَ آئی ءِ لاش دزکپتگ۔ اے ریاست ءِ زوراکیانی نشانی اِنت ءُ بلوچستان ءِ ھر مردم ریاست ءِ زوراکیانی آماچ اِنت۔
آئی گوشتگ کہ زریپ ءِ ناھکیں کوش ءَ ھواریں لشکری کارمند گِرگ ءُ سزا دیگ بہ بنت ءُ کھول انساپ دیگ بہ بیت۔ھما اِنت کہ پاکستان ءَ بلوچستان پہ زور گِپتگ، چہ ھما روچ ءَ بلوچ راج پاکستانی ریاست ءِ زوراکیانی آماچ اِنت۔
