گزه: پنچ شمبے ءِ سھب ءَ اسرائیل ءِ جنگی گراباں گزه ءِ جتا جتائیں جاھاں بمبگواری کرتگ که چه ایشی ءَ پنچ اھوالکار ءِ ھواری ءَ ده مردم بیران بیتگ.
جھانی رسانکدر ءِ رد ءَ مروچی سھب ءَ اسرائیل ءِ جنگی گراباں گزه ءِ ھند النسیرات ءَ چه جنگ ءَ بے گس بیتگیں مردمانی بنجل ءِ نزیک ءَ پلستینی رسانکدر کُدس اَلیوم ءِ اهوالکارانی گاڑی نشانگ کرتگ پنچ اھوالکار بیران بیتگ.
اسرائیل ءِ لشکر ءَ اِے اُرش ءِ بابت ءَ گوشتگ اھوالکارانی گاڑی په ھماس ءِ جنگولانی برگ ءُ آرگ ءَ بیتگ ھمے بنیاد ءَ نشانگ کنگ بیتگ.
دومی نیمگ ءَ اسرائیل ءِ جنگی گراباں گزه ءِ ھند زیتون ءَ ھم بمبگواری کرتگ که چه ایشی ءَ پنچ مردم بیران ءُ بیست ٹپی بیتگ.
چوش که گزه ءَ اسرائیل ءِ اُرشانی بندات بوگ ءَ داں اِے وھد ءَ چل ءُ پنچ ھزار ءَ گیش مردم بیران بیتگ.
