شال: بولان میڈیکل کالج ءِ نودربرانی نیمگ ءَ برجاھیں زھرشانی نندانک ءِ بیست ءُ ھشتمی روچ ءَ نودربر ءُ انتزامیہ ءِمیان ءَگپ ءُ تران سوبین بیتگ ءُ زھرشانی نندانک ھلاس کنگ بیتگ۔
نودربرانی گوشگ اِنت کہ انتزامیہ ءِ گون ءَ وانشجاہ ءُ وابجاہ ءِ پچ کنگ ءِسر ءَ مئے گپ ءُ تران سوبین بیتگ، بلے وانگجاہ ءِ تہ ءَ لشکر ءِ نندگ ءِ بگیری ءَ اے زرمبشت برجاہ بیت۔
چوش کہ بولان میڈیکل کالج ءِ انتزامیہ ءِنیمگ ءَ وانگجاہ ءَ لشکری کارمند آرگ بیتگ اَت ، وابجاہ بند کنگ ءُ نودربر نشانگ کنگ بیتگ اَنت ھمے جیڑھانی سر ءَ نودربر بی ایم سی ءِ مزنیں دروازگ ءِ دپ ءَ زھرشانی ءَ نشتگ اَنت۔ اے میان ءَ نودربراں باز رند ءَ زھرشانی روانک کش اتگ ءُ شال ءَ ریڈ زون ءَ زھرشانی ءَ ھم نشتگ اَنت۔
