بلوچ وومن پورم ءِ سروک ڈاکٹر شلی وتی شنگ کرتگیں تامربندے ءَ گوشتگ کہ بلوچ وومن پورمءِ نیمگ ءَ لمہ ءِ وتن بانک کریمہ ءِ یات ءَ مراگشانی درچ برجاہ اِنت۔ من مرچی مالار ءَسر بیتگ آں، باندا سھب ءِ دہ ءَ کرک ءِ ڈل مالار ءَ بانک ءِ یات ءَ یک مراگشے برجم دارگ بیت۔
آئی ءَ گوشتگ کہ من گوں سری مالار، چیری مالار، مچی ، مالار زیک، سیاہ کل، دمب ءُ مالار ءِ کِر ءُ کشانی ھرچی کہ نزیکیں ھند ھست اَنت من اود ءِ مردمانی گون ءَ دزبندی کن آں باندا سھب ءِ دہ ءَ کرک ءِ ڈل ءَ مراگش برجم دارگ بیت گیش ءَ چہ گیش بھر بزور اَنت۔ مراگش ءَ سوبمند بہ کن اَنت ھما واب کہ بانک ءَ دیستگ آئی دیم ءَ برگ ءِ جھد ءَ بہ کن اَنت۔
