ھاران: مرچی زورگریں پاکستانی لشکر ءَ چہ ھاران ءَ باز مردم آوار جتگ ءُ بیگواہ کرتگ۔ کیچ ءَ دو بیگواھیں مردم آجو بیتگ۔ن
بنشون ءِ رد ءَ ھاران ءَ پاکستانی لشکر ءَ بیڑ بُرتگ، مردم زوراکی ءِ نشانگ کُرتگ اَنت ءُ باز مردم آوار جتگ کہ چہ آیاں دو مردم رھیم الدین ء ھاجی ھدا نزر ءُ ھاپز مھی الدین ءِ نام زانگ بیتگ اَنت۔ آدگہ مردمانی نام انگت زانگ نہ بیتگ اَنت۔
چہ کیچ ءَ پاکستانی لشکر ءِ چیریں آزار جاھاں بیگواھیں تلال ء اُمر ءُ نیاز ء دلمراد آجو بیتگ۔ تلال پاکستانی لشکر ءَ دہ نومبر ءَ چہ دشت کڈان ءَ آوار جنگ ءَ پد بیگواہ کرتگ اَت ءُ نیاز ءَ 16 اکتوبر ءَ چہ نیول کالونی ءَ آوار جنگ ءِ پد بیگواہ کرتگ اَت۔ نیاز زی آجو بیتگ ءُ تلال مرچی آجو بیتگ ءُ وتی گس ءَ سر بیتگ۔
