کیچ: زورگریں پاکستانی چیریں ادارھانی دست ءَ زور بیگواہ کنگ بوتگیں بلوچ رھشون استاد واھد کمبر ءِ جنک مھلب کمبر ءَ وتی درشانے ءَ گوشتگ کہ مرچی ما وتی کماش ءِ زوریں بیگواھی ءِ بابت ءَ مردماں سرپد کنگ، دیوالانی سر ءَ نبیسگ ءُ پنتاک بھر ءُ بانگ بیتگیں کہ ریاستی لشکر ءُ چیریں ادارھاں مارا ترسینگ ءِ جھد کرتگ ءُ مارا باز تنگ اِش کرتگ۔
آئی ءَ گوشتگ کہ منی ناکو ءُ آدگہ سنگتانی اکس اِش گپتگ اَنت کہ ما بہ ترسین ءُ مئے زھرشانی بے سوب بہ بیت۔ بلے ما ریاست ءِ اے ھیلھاں سرپد این ءُ ھچ وڑ ءَ پدکنز نہ بہ ایں۔ مئے روانک باندا روچ ءِ دوازدہ ءَ چہ اتا شاد ڈگری کالج ءَ درکیت ءُ داں پدا اھمد چاراہ ءَ روت۔
مھلب کمبر ءَ گوشتگ کہ ما لوٹ ایں کہ بلوچ راج ھم مہ ترس ایت ءُ اے روانک ءَ بھر بزور ایت۔
