بلوچستان لبریشن پرنٹ ءِ جارکش میجر گھرام ءَ ماں رسانکدرءَ وتی شنگ کرتگیں درشانے ءَتمپ ءَ پاکستانی لشکر ءِ سر ءَ ارش ءِ زمہ واری من اتگ ءُ گوشتگ کہ سرمچاراں ھژدہ دسمبر چارشمبے ءِبیگاہ ءِ چار ءَھمزھی تمپ ءَ برجاھیں پاکستانی لشکر ءِچوکی گوں نوک ءُ مزنیں سلاھاں نشانگ کرتگ، ایشی آسر ءَ دژمنیں لشکر ءَ جانی ءُ مالی تاوان بیتگ۔
جارکش ءَ گوشتگ کہ زورگریں لشکر زور ءِتونگری ءَ وتی چیریں ادارھانی ھمرائی ءَ لس مردماں نشانگ کنت، زور بیگواہ کنت، لس آبادیانی سر ءَبیڑ بارت ءُ مردمانی گساں ماندار ایت، بلے سرڈگار ءِھکی ئیں پسگ آیانی بنجل ءُ چوکیانی سر ءَارش کن اَنت گڑا دژمن ءِ کر ءَتچگ ءَ ابید دگہ راہ پشت نہ کپ ایت۔
میجر گھرام ءَ گوشتگ کہ داں بلوچستان ءِ آجوئی ءَزورگریں لشکر ءَ نشانگ کن ایں۔
