بلوچ لبریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ دشت ءُ پَنجگُور اُرش ءِ زمہ واری من اِتگ ءُ گوشتگ کہ سرمچاراں دشت ءُ پنجگور ءَ زورگریں پاکستانی لشکر ءِ سر ءَ اُرش کرتگ ءُ دو کارمند کشتگ۔
آئی ءَ گوشتگ کہ بی ایل اے ءِ سرمچاراں مرچی سے ءَکیچ ءِ ھند دشت جت بازار ءَ زورگریں پاکستانی لشکر ءِپرپٹ سواریں کارمند گوں چیرکرتگیں شورھاں نشانگ کرتگ اَنت، تراک ءِ زد ءَ اتکگیں دوئیں کارمند جاھی مرتگ اَنت ءُ آیانی پرپٹ تباہ بیتگ۔
جارکش ءَ گوشتگ کہ بی ایل اے ءِ سرمچاراں یک شمبے ءِ شپ ءَ پنجگور ءِ ھند گڈگی بازار ءَ واٹر سپلائی ءَ برجاھیں زورگریں پاکستانی لشکر ءِبنجل ءِ دو چوکی نشانگ کرتگ۔ سرمچاراں دژمنیں لشکر ءِ سر ءَ گوں وتکاریں سلاھاں ارش کرتگ ءُ گرنیڈ لانچر ءِ باز گولا آس داتگ، ایشی ءَ کم چہ کم سے کارمند ٹپی بیتگ۔
