نوشکے: زورگریں پاکستانی لشکر ءِ دست ءَ زور بیگواھیں استاد پرید اھمد بادینیءِ یل نہ کنگ ءِ بگیری ءَ بلوچ یکجھتی کمیٹی ءُآئی کھول ءِ نیمگ ءَ زھرشانیءَ روانکے کشگ بیتگ۔ روانک چہ میرگل نسیر کتابجاہ ءَ درکپتگ ءُ نواب اکبر ھان بگٹی دگ ءَداں نوشکے پریس کلب ءَ شتگ۔
زھرشانی ءَسیاسی کارکن، نودربر ءُ زھگ ءُ زالبولاں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔ آیاں استاد پرید اھمد بادینی ءَھوار پہ درسیں زور بیگواھیں مردمانی آجوئی ءَ لوٹ کرتگ۔
آیاں تران کرتگ ءُ گوشتگ کہ بلوچستان ءَاستادیں مردم چہ زوراکیاں نہ رک اَنت، استاد پرید اھمددل ءُ شکر ءِ نادراہ اِنت۔ آئی ءَ یک ماھے ءَگیش اِنت کہ زور بیگواہ کنگ بیتگ چہ آئی زوریں بیگواھی ءَ کھول سک پریشان اِنت۔
آیاں گوشتگ کہ اگاں استاد پرید اھمد بادینی داں یک ھپتگے ءَ یل کنگ نہ بوت گڑا ما شھدگ ءَ بند کن ایں ءُ زھرشانی ءَ نند ایں۔
