چھبار:چھبار بلوچی لبزانکی گل ءِ نیمگ ءَ پنچ شمبے ءِ بیگاہ اَدار چار ءَ ماں چھبار ءِ زانشجاہ آزاد ءِ دیوانجاہ ءَ بلوچی وانینگ ءِ کلاسانی آسر بَیَگ ءُ نودربرانی دلبڈی ءِ درگت ءَ لچہ گوشی، گُشتانکی ءُ ساز ءُ زیملی دیوانے بر جم دارگ بیتگ۔
دیوان ءِ جارچین مولابکش رئیسی بیتگ ءُ دیوان ءِ بندات مھمد جمالزاھی ءَ کُرانی آیاتے ونتگ۔
گُشتانکی بھر ءِ تہ ءَ مسئود بلیدہ ءَ وتی کارگزاری دیوان ءَ ونتگ ءُ چہ آئی ءَ پد بَرکت ءَ برجان ءَ گُشتانکے داتگ۔بانُک پریسا آسکانی ماتی زبان ءُ آئی ءِ بستار ءِ بابت ءَ تران کُرتگ۔ باسد بھرامی ءَ زبان ءِ پھریزگ،وانگ ءُ نبیسگ ءِ سر ءَ تران کُرتگ۔کریم باشندہ ءَ وتی گْشتانک ءِ تہ ءَ گْوشتگ کہ بلوچستان مزنیں سر زمینے بید ء زبان ءِ وانینگ ءَ بوت نہ کنت، باید انت بلوچانی زبان وانگجاھاں وانینگ بہ بیت۔
لچہ کاری بھر ءَ واجہ ءُ بانکاں وتی لچہ ونتگ اَنت چہ لچہ کاراں الی بکش دشتیاری، بانُک ماریا بزرگزادہ، ھُسین بھار، ایسُپ بھار، بانُک سُرّیا ھوت، واجہ اکتر دید، واجہ شریپ گمشاد، باسد ھوت ءَ وتی لچہ ونتگ ءُ دیوان وشنود کُرتگ۔
ساز ءُ زیملی بھر ءِ تہ ءَ آسپ مُھبت، ھالد پراز، وھید بلوچ نسب،وھید تَرکش، باسد ھوت ءُ برکت برجان گوں وتی وشیں توار ءَ دیوان وشنود کُرتگ۔
دیوان ءِ گُڈسر ءَ نودربر دلبڈی دیگ بیتگ ءُ اے درگت ءَ ام۔ شکاری ءِ داتگیں کتاب نودربران ءَ سوگات دیگ بیتگ۔
دیوان ءَ چہ بلوچستان ءُ چہ بلوچستان ءَ در باز مردم اتکگ، چہ کیچ ، باھو ، پیشّن ءُ چھبار ارشاد اسلامی ءِ کار مستر مھمد امین مھمدی، شورا شھر ءِ باسک رھیم جدگال، ماسٹر رشید بھرہ مند ، چہ کراچی ءَ اتکگیں مھمان مھمد سلیمان رئیسی ءُ مھمد ادنان ھُسینی بیتگ۔
دلگوش کرزیں گَپّ ایش انت کہ اے نودربر گیشتر شھدر برجاھی نودربر بیتگ انت، چوشکہ دانشگاہ بین المللی، دانشگاہ دریا نوردی، دانشگاہ پرھنگیان ءِ نودربراں ھم بھر زُرتگ۔
دیوان ءِ برجم دارگ ءَ مھمد اومر بلوچ ھمراہ داری کُتگ ءُ دیوان ءِ برجم داروک چھبار بلوچی لبزانکی گَل بیتگ۔ دیوان گوں سوبمندی ءَ شپ ءِ
