بلوچ اسٹوڈنٹس آرگنائزیشن ءِ جارکش ءَ وتی شنگ کرتگیں درشانے ءَ گوشتگ کہ سنگت جئیند بلوچ ءِ اناگتیں بیرانی پہ گَل ءَ مزنیں تاوانے۔ جئیند بی ایس او گْوادر ھنکین ءِ باسکے بوتگ، سرپد ءُ سوھویں ورنا ءُ راجی سِنچ داروکیں سنگتے بوتگ۔پہ گل ءِ دیمروئی ءَ آئی ءَ وتی کِرد پیلو کُرتگ۔ آئی ءَ مدام جُھد کُتگ۔ مراگشانی ٹاھینگ ءَ ھوارایندگہ سیاسی چست ءُ ایرانی بھر بوتگ۔
آئی ءَ گوشتگ کہ ما سنگت جئیند بلوچ ءِ راجی سنچ ءَ ساڑائین ءُ آئی ءَ دْروت نْدر کنیں ءُ اے گرانیں ساھتاں آئی ءِ کھول ءِ گماں شریداریں۔
