بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ واشک ءَ ارش ءِ زمہ واری من اتگ ءُ گوشتگ کہ سرمچاراں دہ دسمبر ءِ شپ ءِ نوہ ءَ واشک ءِ ھند رکشان ءَ گیس بروکیں ٹینکر نشانگ کرتگ ءُ تاوان داتگ اَنت۔ ڈرائیور بلوچ ءُ انسانیت ءِ بنیاد ءَ کڈن کرتگ ءُ یل داتگ اَنت۔
جارکش ءَ گوشتگ کہ پاکستان ریاست پہ وتی مالی کمک ءَ چہ بلوچستان ءِ جتائیں ھنداں مڈیاں لٹ ءُ کنگ ءُ پنجاپ ءِ جتائیں شھراں برگ ءَ اِنت دانکہ آئی مالی کمک بہ بیت، بلے بلوچ سرڈگار ءِ پسگ اے سرڈگارءِ وارس ءُ پھازدار اَنت۔ چہ اے سرڈگار ءَ در آھوکیں مڈیاں ھچ ریاست ءُ ادارھاں لُٹگ ءِ موکل ءَ نہ دے اَنت۔
آئی ءَ گوشتگ کہ درسیں گاڑی واھنداں کڈن کن ایں کہ آ بلوچانی مالی لٹ ءُ پل ءُ مادنانی برگ ءَ ریاست ءَ کمک مہ کن اَنت، اگاں نہ وتی جان ءُ مال ءِ تاوان ءِ زمہ وار وت اَنت۔
میجر گھرام ءَ گوشتگ کہ داں بلوچستان ءِ آجوئی ءَ دژمنیں لشکر ءُ آئی شوربندیاں نشانگ کن ایں۔
