بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم ءَ ماں رسانکدر ءَ وتی شنگ کرتگیں درشانے ءَ گوشتگ کہ ھک دو تھریک ءَ پہ لس بلوچ ءُ زوریں بیگواھی ءِ نام ءَ سیاست کرتگ بلے نوں آئی کارپد یک کینگداری یے پیش دارگ ءَ اَنت۔
آئی ءَ گوشتگ کہ ایشی سروک ءَ پاکستان ءِ گچینکاری ءَ سوبین بوگ ءَ بلوچ راج ءِ بنکی جیڑہ پہ وتی نپ ءُ واکداری ءَ دیم ءَ آرتگ۔ ساری ءَ آئی پہ زوریں بیگواھی ءُ لس بلوچانی جاورانی سر ءَ لیکہ ترند اَت چہ ایشی نوں آرزانی ءَ دز کش بوتگ۔
ڈاکٹر نسیم ءَ گوشتگ کہ اے جاوراں بلوچستان ءَ زوریں بیگواھی ناگیگیں ھدے ءَ سر بوتگ۔ پاکستان ءِ رزوائیں پالیسی ءَ کشگ ءُ چگل دیگ ءِ شوندات سک ترند اَت کہ ھک دو تھریک ءَ پاکستان ءِ اسمبلی ءِ ھوار بوگ گچین کرتگ۔ چہ ایشی بلوچستان ءَ ریاست ءِ زوراکیانی بھر بوگ ءُ انسانیت ءِ بگیری ءَ میارباری ءَ شریدار اِنت۔
آئی ءَ گوشتگ کہ بلوچ راج چہ ردیں اوگاماں رد مہ کپ ایت بلکیں ھک دو تھریک ءِ راستیں بنگپ ءَ بہ زانت۔ ھما توانمند پہ وتی زاتی نپاں بلوچ آجوئی جھد ءِ نام ءَ گر اَنت گڑا آیانی بگیری ءَ اوشتگ لوٹ ایت۔ آیانی بگیری ءُ گھگیری کنگ لوٹ ایت ءُ تچکیں راجدوستیں توانمنداں یکجاہ بوگ لوٹ ایت۔
بی این ایم ءِ سروک ءَ گوشتگ کہ اے رد دیوکیں ھیلھاں بہ زان اِت گڑا بلوچ راج ءِ راستیں آجوئی ءُ پہ آجوئی ءَ کارکنوکیں گوں توانمنداں وتی مھمکیں ھمگرنچی ءَ برجاہ داشت کن اِت۔
