بلوچ راجی زرمبشت ( بی این ایم ) نیدرلینڈ چیپٹر ءَ وتی شنگ کرتگیں جارے ءَ گوشتگ کہ 10 دسمبر 2024 ءَ مردمی ھکانی جھانی روچ ءِ درگت ءَ بی این ایم ماں نیدرلینڈ ءَ روانکے کش ایت ءُ زھرشانی کنت ءُ ماں بلوچستان ءَ مردمی ھکانی لگتمالی ءَ پدر کنت، لس مردماں سرپدی دنت کہ پہ مردمی ھکانی لگتمالی ءِ دارگ ءَ گامگیج بہ زور اَنت۔
آئی ءَ دیمتر ءَ گوشتگ کہ اے روانک چہ ڈِنھاگ سنٹرال ءَ در کپ ایت ءُ بیزاؤدن ھاؤتسویگ ءَ آسر ءَ بیت۔ زھرشانی نیمروچ یک ءَ داں بیگاہ ءِ سے ءَ برجم دارگ بیت۔
آئی ءَ گوں مردمی ھکانی ادارہ ءُ کارکناں لوٹ کرتگ کہ مئے گون ءَ ھمراھداری بہ کن اِت ءُ پہ آجوئی ءُ انساپ ءِ جھد ءَ گوں بلوچ ءَ ھمکوپگ بہ بہ اِت۔
