بلوچ راجی زْرمبشت (بی این ایم) ءِ سرکماش ڈاکٹر نسیم ءَ ماں چاگردی رسانکدر ءَ ایکس ءَ وتی یک درشانے ءَ گْوشتگ کہ بلوچستان ءَ شدکشیں زھرشانی گدان مردم ءَ دلپدرد کن اَنت۔کھولانی جُھد پہ وتی مردمانی پد جنگ ءَ آیانی مھکمی ءَ پدر کنت۔ ماما کدیر ءِ زھرشانی گدان چہ 2009 ءَ برجاہ اِنت۔ بیگواھیں مردمانی پدجنگ ءَ یک چیدگے جوڑ بیتگ۔
آئی ءَ گْوشتگ کہ چنچو سال اِنت کہ کھول، کارکن ءُ مردمی ھکانی گلاں شال، کراچی ءُ اسلام آباد ءَ زھرشانی کُرتگ بلے آیانی توار انگت کس ءَ اِش نہ کُرتگ۔
آئی ءَ گْوشتگ کہ اے تھلیں راستی آواران ءَ برجاہ اِنت کہ زینب کمک دمگدار ءِ کارگس ءِ دیم ءَ زھرشانی ءَ نشتگ۔ آ پہ وتی برات دل جان ءِ آجوئی ءَ داں مرگ شُدکشیں زھرشانی ءَ نشتگ۔کہ دل جان پاکستانی لشکر ءَ 12 جون 2024 ءَ آوار جتگ ءُ پد ءَ بیگواہ کُرتگ۔جھان ءَ سرپد بیگ ءُ پاکستان کہ بلوچستان ءَ جنگی رھبند ءُ مردمگری ءِ بگیری ءَ کنگ ءَ اِنت۔
ڈاکٹر نسیم ءَ گْوشتگ کہ زور بیگواھی، آوار جنگ ءُ مردمانی بےتوار کنگ ءِ دْرچ گِر ءُ دار کنگ بہ بیت۔ وھد ھمیش اِنت کہ جھان پاکستان ءَ جُست بہ کنت ءُ آجوئی ءِ جنگ کہ بلوچستان ءَ بیگ ءَ اِنت گوں مردماں ھمکوپگ بہ بیت۔
