کیچ: مند ءِ میتگ مھیر ءَ زورگریں پاکستانی لشکر ءِ کارمند بازیں کچے ءَ مچ بوتگ اَنت ءُ لشکرکشی ءِ گمان اِنت۔
ھندی بنشون ءِ رد ءَ مرچی پاکستانی لشکر ءِ جنگی بالیگے آتکگ ءُ مھیر ءَ نشتگ، آئی ءَ پاکستانی لشکر ءِ سروگانے گوں بوتگ کہ اے پد ءَ بی بی منیرہ ءِ گس پاکستانی لشکر ءَ دستیگ کرتگ اَنت ھما بنجل ءَ شتگ اَنت۔
انچوش گمان کنگ بوگ ءَ اِنت کہ پاکستانی لشکر ھمے ھند ءَ مزنیں لشکرکشی یے کنت۔
یات بہ بہ اِت کہ مند مھیر ءَ بی بی منیرہ ءِ گسانی دستیگ کنگ ءِ بگیری ءَ داں باز روچاں زھرشانی کنگ بوتگ اَت۔
