مشکے: ھپت سال پیش زورگریں پاکستانی لشکر ءِ دستءَ زور بیگواہ کنگ بوتگیں الیاس ءِ کھول ءَ گوں مردمی ھکانی ادارھاں پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ الیاس ء تاج مھمد مشکے گجر ءِ جھمنند اِنت 2016 ءَ پہ کار ءَ رکشان ءَ شتگ پاکستانی لشکر ءَ چہ گسے ءَ آوار جتگ ءُ بیگواہ کرتگ انگت بیگواہ اِنت۔ آئی ءِ بارو ءَ مارا ھچ وڑیں سرپدی دیگ نہ بوتگ کہ چون ءُ کج ءَ اِنت۔
آئی ءَ گوشتگ کہ الیاس ءِ سر ءَ چونیں بھتامے ھست گڑا آمیدگس ءَ آرگ ءُ پیش کنگ بہ بیت، آمیدگس آئی ءَ چونیں سزا دنت ما رازیگ ایں۔ اے وڑ ءَ زوریں بیگواھی ءَ آئی تیوگیں کھول سکا جنکال اِنت۔
کھول ءَ گوشتگ ما گوں مردمی ھکانی ادراھاں لوٹ کن ایں پہ الیاس ءِ آجوئی ءَ مئے گون ءِ توار چست بہ کن اَنت۔
