کیچ: تربت ءَ پاکستانی لشکر ءِ تیرگْواری ءَ ورنایے بیران بیتگ۔
بنشون ءِ رد ءَ دوشی پجار نہ بیتگیں مردماں تربت ءِ تالیمی چاراہ ءَ پاکستانی لشکر ءِ سر ءَ دستی بمب اُرشے کُرتگ کہ اُرش ءَ پد پاکستانی لشکر ءِ تیرگْواری ءَ اسرار راشد جھمنند ڈنک ٹپی بیتگ۔
پاکستانی لشکر ءَ اسرار پہ درمان کنگ ءَ نادراھجاہ ءَ بُرتگ بلے نادراھجاہ ءِ بنشون ءِ رد ءَ آئی مارا اسرار ءِ درمان کنگ نیشتگ ءُ پد ءَ گوں ٹپی ئیں جاوراں زُرتگ ءُ وتی بنجل ءَ شُتگ۔
اسرار ءِ کھول ءِ گْوشگ اِنت کہ دوشی شپ ءِ یک ءَ پولیس ءَ مارا ھال کُتگ کہ شُمئے مردم ءِ لاش سرکاری نادراھجاہ ءَ ایر اِنت بیا اِت وتی لاش ءَ دز بہ گِر اِت۔
وھدے ما لاش ءِ دزگرگ ءَ شُتگیں گڑا مارا یک کاگدے دیگ بیتگ کہ اے کاگد ءَ دسھت بہ کن اِت ءُ وتی لاش ءَ بہ بر اِت۔
