سندھودیش روولیوشنری آرمی(ايس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے مرچی لاڑکانہ ءَ پنجاپی آبادکار ءُ چاریگ مھمد پاروک آرائین ءِ سر ءَ بوتگیں ارش ءِ زمہ واری ءَ من ایت۔
آئیءَ گوشتگ کہ پنجاپ زورگر یک نیمگے ءَ گوں مھکمیں شوربندی ءَ وتی آبادی ءَ سند ءَ آرگ ءُ مارا کم کنگ لوٹگ ءَ اِنت، دومی نیمگ ءَ ھمے آبادی ءِ پارست ءَ سند ءِ کسان ءُ مزنیں شھراں چیریں ادارھانی نیٹورک ءَ جوڑ کنگ ءُ سندو زرءَ ھوار پہ وتی وتنءِ پدریچ ءُ آجوئی ءَ بیوکیں جھد ءِ دارگ ءَ چاریگی ءُ دزگیری کناھینگ ءَ اِنت۔
جارکش ءَ گوشتگ کہ ایس آر اے اے وڑیں سرجمیں سند دژمنیں سوڑگ ءُ شوربندیانی دیم پہ دیمی ءَ کنت۔
سوڈو سندی ءَ گوشتگ کہ ایس آر اے داں سند ءِ سرجمیں آجوئی ءَ وتی گھگیری جھد ءِ برجاہ دارگ ءِ کول ءَ کنت۔
