آواران: چہ تیرتیج ءَ زورگریں پاکستانی لشکر ءِ دست ءَ زور بیگواہ کنگ بوتگیں دلجان ءِ کھول ءِ زھرشانی نندانک ءَ ھپت روچ سرجم بوتگ۔ زھرشانی ءَ سیاسی ءُ چاگردی کارکناں ھوار جنین ءُ زھگ بازیں کچے ءَ نشتگ اَنت۔
زھرشانی کنوکیں مردمانی گوشگ اِنت کہ زیکیں آواران ءَ درسیں نیٹورک بند بوتگ اَنت مرچی نیٹورک پچ اَنت بلے انچوش گمان کنگ بوگ ءَ اِنت کہ نیٹورک پد ءَ بند کنگ بہ بنت۔
آیانی گوشگ اِنت کہ انتزامیہ زھرشانی ءَ نشتگیں مردمانی گون ءَ گپ ءُ تران ءَ ابید پولیس ءُ آدگہ سادگ پوشاکیں مردمانی پارست ءَ ترسینگ ءِ جھد ءَ کنگ ءَ اِنت۔ سرجمیں آواران بند کنگ بوتگ۔ زیکین ءِ آپ ءِ سر ءَ پابندی جنگ بوتگ دانکہ زھرشانی کنوکیں مردماں آپ مہ رس ایت۔ بازیں مردمانی موبائل ءُ پجار کارڈ پلگ بوتگ اَنت۔
آیاں گوں درسیں بھرگاں سیادی داروکیں مردماں لوٹ کرتگ کہ بیا اَنت مئے زھرشانی ءَ بھر بزور اَنت ءُ مئے گون ءَ کمک بہ کن اَنت۔
