آواران: گوستگیں روچ ءَ گیشکور ءَ زورگریں پاکستانی لشکر ءِ گون ءَ دیم پہ دیمی میڑے ءَ شھید بوتگیں سرمچار زریپ بلوچ ءِ لاش گلزمین ءِ میار کنگ بوتگ۔
شھید زریپ ء ھمل کولواہ ءِ میتگ کنیچی ءِ جاہ منند اِنت کہ پیری گیشکور ءِ دو در ءَ پاکستانی لشکر ءِ گون ءَ دیم پہ دیمی میڑے ءَ ٹپی بوتگ ءُ رند ءَ شھید بوتگ۔ شھید زریپ ءِ لاش آئی کھول ءَ دزگپتگ ءُ مرچی گلزمین ءِ میار کرتگ۔
بنشون ءِ رد ءَ پہ شھید زریپ ءِ لاش ءِ چارگ ءَ کِر ءُ کشانی ھندانی مردم بازیں کچے ءَ اتکگ اَنت ءُ شھید ءَ را ستک شانی ندر کرتگ۔
یات بہ بہ اِت کہ پیری گیشکور، دو در ءَ پاکستانی لشکر ءِ گون ءَ دیم پہ دیمی ءَ میڑ ءَ دگہ ھم یک سرمچارے نیاز بلوچ شھید بوتگ اَت آئی لاش زی تیرتیج ءَ گلزمین ءِ میار کنگ بوتگ۔
